Kamfanin dillancin labaran Ahl al-Bait (AS) - ABNA ya bayar da rahoton cewa, ma'aikatar tsaron kasar Siriya ta sanar da cewa, wasu kungiyoyin 'yan ta'adda dauke da makamai sun kai hari kan bikin yaye daliban jami'an hafsoshi inda harin jirgi mara matuki ya nufi da dama daga cikin daliban birnin Hums.
Majiyar lafiya a kasar Siriya ta sanar da cewa adadin wadanda harin ta'addancin da aka kai a jami'ar jami'an tsaro a kasar Siriya ya rutsa da su ya kai shahidai 66 da kuma jikkata wasu 189 wadanda wasu daga cikinsu na cikin mawuyacin hali.
Babban kwamandan rundunar sojin kasar Syria da ya fitar da sanarwa, ya dauki wannan ta'addancin a matsayin wani laifi da ba a taba ganin irinsa ba tare da jaddada cewa, za ta mayar da martani da dukkan karfinta da azamarta ga wadannan kungiyoyin 'yan ta'adda a duk inda suke, da masu shirya wadanda suka aikata wannan aika aika za su biya farashi mai yawa.
Wasu majiyoyin labarai sun sanar da cewa adadin mutanen da suka mutu a harin da jirgin yaki mara matuki ya kai ranar Alhamis a bikin yaye daliban kwalejin soji na Hums da ke tsakiyar kasar Siriya ya kai akalla 110.