Kamar yadda jaridar Gazette Nigeria ta ruwaito, Al Jasir ya bayyana hakan ne a lokacin da ya ziyarci jihar Kano, ya kuma yabawa aikin noma da kiwo a jihar bisa yadda bankin cigaban Musulunci ya dauki nauyin gudanar da aikin. Aikin na da nufin rage radadin talauci ta hanyar karfafa samar da abinci a Kano.
Ya kara da cewa: Wannan aiki da Bankin da Asusun Raya Rayuwa (LLF) suka dauki nauyin gudanarwa, zai taimaka wajen rage radadin talauci da kuma karfafa samar da abinci a Kano.
Al-Jasir ya fayyace cewa: Daga cikin dala biliyan 1.8 da aka ware wa Najeriya, dala miliyan 971 Bankin raya kasa na Musulunci ya samar da dala miliyan 288 na kamfanin ci gaban Musulunci (ICD) mai alaka da kamfanoni masu zaman kansu.
Shugaban bankin ci gaban Musulunci ya ce: Wannan bankin yana da sha'awar hada kai da Najeriya wajen bunkasa tattalin arziki da zamantakewa gami da bayar da shawarwari don karfafa ayyukan kudi na Musulunci.
342/