Kamfanin Dillancin Labarai Na Ahlul-Baiti {A.S} - ABNA - ya habarta cewa, "Nasif al-Khattabi" gwamnan Karbala madaukakiya a jawabinsa na sabon yanayi dangane da maziyartan Arbaeen ya sanar da cewa, babu wata hanyar da za ta kai Karbala da aka toshe. kuma ana gudanar da aikin ziyara Arbaeen tare da halartar miliyoyin maziyartan Arbaeen.
Ya kara da cewa ana sa ran adadin maziyartan Arbaeen zai kai mutum miliyan 22 a ranar Arba'in, kuma nan ba da jimawa ba aka fara shirin tsaro da hidimar taron Arbaeen na Imam Husaini (AS). Haka nan ma mun dade muna jiran karbar miliyoyin maziyartan na tsawon kwanaki, kuma zirga-zirgar maziyartan ta yi matukar hauhawa, kuma duk hanyoyin da za su bi zuwa Karbala a bude suke.
Gwamnan na Karbala ya kara da cewa akwai gagarumin hadin kai da hadin gwiwa tsakanin jami'an tsaro da cibiyoyi da larduna domin samun nasarar gudanar da taron na Arba'in, kuma tawagogi da jerin gwanon maziyarta Husaini 14,000 ne suka shiga Karbala.
Ya ci gaba da cewa, kimanin maziyarta miliyan 3 ne daga kasashen waje suka shiga lardin Karbala kuma muna sa ran adadin zai kai miliyan 6 nan da ranar Arba'in. Har ila yau, a yayin taron Arbaeen na bana, adadin maziyartan Iraki da na wajen Iraki ya kai miliyan 22.
Nasif al-Khattabi ya ce, duk da kasancewar mutane miliyoyi a Karbala, amma ba a samu faruwar matsalar tsaro ba, kuma jami'an tsaro na gudanar da ayyukansu yadda ya kamata.