Kanaani ya bayyana haka ne a taron manema labarai na mako-mako da yake yi a yau Litinin, yayin da yake amsa tambaya kan tattaunawar Vienna, ya ce: Batutuwan da suka rage a tattaunawar ba su da yawa, amma suna da muhimmanci kuma dole ne a amince da su, ba tare da kauce wa sharuddan da muka gindaya ba.
Ya kara da cewa muna son yarjejeniyar da za ta gamsar da al'ummar Iran tare da kiyaye maslaharta, yana mai cewa: Idan Tehran na bukatar yarjejeniya to kasashen Turai da Amurka su ma suna bukatar hakan.
Ya jaddada cewa jinkirin da Amurka ta yi da shirun da Turawa suka yi da kuma matsin lamba na masu tsattsauran ra'ayi da suke da tasiri a kan gwamnatin Amurka da kasashen turai, wannan ya sa har yanzu tattaunawar tana yin tafiyar hawainiya.
Kakakin ma'aikatar harkokin wajen kasar ya yi nuni da cewa, yahudawan sahyoniyawan suna taka mummunar rawa a cikin wannan tattaunawa, kuma suna yin tasiri a kan gwamnatin Amurka, saboda haka dole ne Washington ta yanke shawara bisa muradunta.
342/