ABNA24 : Zanga-zanga ta barke a birnin Minneapolis bayan da wani dan sanda ya bindige wani matashi bakar fata har lahira.
Jim kadan bayan aukuwar lamarin, daruruwan mutane ne suka yi dandazo a gaban ginin babban ofishin ‘yan sandan garin Brooklyn Center dake birnin Minneapolis a jihar Minnesota, lamarin da ya tilastawa jami’an tsaro harbawa masu zanga-zangar barkonon tsohuwa.
Lamarin na zuwa a daidai lokacin da ake shari’ar dan sandan da ake tuhuma da halaka wani bakar fata George Floyd a dai birnin na Minneapolis.
A ranar Lahadi ne dan sandan ya harbe, Daunte Wright matashin bakar fata mai shekaru 20 da bindiga.
342/