Kamfanin dillancin labaran
Ahlul-Baiti (AS) - Abna ya habarta cewa, taron na biyu na "Addini,
Lafiya Da Taimakon Jin Kai" da kungiyar agaji ta kasa da kasa ta
kungiyar likitocin musulmi ba tare da iyaka ba wacce take da alaka da majalisar
Ahlul-baiti (AS) ta duniya Da yammacin ranar Litinin 6 ga watan Mayu ne aka
gudanar da taron a dakin taro na jami'ar ilmin likitanci ta Tehran.
Ayatullah Reza Ramezani babban shugaban Majalisar Ahlul-Bait (AS) ta duniya a jawabin da ya gabatar a wajen taro na biyu kan harkokin addini da kiwon lafiya da kuma taimakon jin kai, ya bayyana jinjinarsa da jin dadinsa ga gabatar da rahoton Dr Niknam tare da bayyana fatansa na cimma ginshikan manufofin ta hanyar bin diddigi tare.
Da yake bayyana cewa ana yin mu’amala ne bayan fahimtar juna da kuma yabawa, ya kara da cewa: Da farko, ya kamata a tabbatar da sanin iya aiki, sannan fahimtar juna kan wajibcin aiki. Wannan gabatarwar tana matsayin shimfida ga hulɗa wanda ita ce dandamali don haɗin gwiwa kuma ya zama dole a samar da hakan a cikin ƙasa.
A wani bangare na jawabin nasa babban sakataren Majalisar Ahlul-baiti (AS) ya yi nuni da cewa da dama daga cikin al'ummar Gabas da Yamma suna kokarin kawar da addini daga zukatan mutane, kuma ta fuskacin hakan, suna kokarin ruguza addini da da shafe shi, ya kara da cewa: A wata fuskokin kuma wasu sun yi kokarin takaita addini a fagen zamantakewa, al'adu da siyasa.
Ayatullah Ramezani ya ce: Fage na addini fage ne da ya tattaro komai da komai, don haka bai kamata mu yiwa addini kallon mahangar ra'ayi kwara daya ba. Batu mafi muhimmanci da ya kamata mu mai da hankali a kai a fagen addini, shi ne mahangar fahimta gaba daya, daidai kuma mai zurfi. Addini yana da abubuwa da yawa, yana mai da hankali ga na waje da na ciki, kuma shi ne majiɓinci kuma mai kula da tarbiyyar ruhi da rai bisa tsarin fagagen ɗan adam. Bayan haka, a bangaren jiki shima yana da dokoki da ka'idoji, waɗanda suke da tasiri sosai a lafiyar jiki.
Wannan memba na Majalisar Kwararrun Shugabanci ya bayyana cewa wasu sun ambaci addini a matsayin abin da ke kawo ruɗani, wanda ke haifar da matsi na tunani da lafiya, ya yi karin haske: Idan muka yi bimbini a kan koyarwar addini, addini ba ya kawo ruɗani amma yana kawar da ruɗani ne. Addini yana buɗe ƙulli a cikin rayuwar ɗan adam kuma yana ba da aminci ga ruhin ɗan adam kuma yana ba da wani nau'i na nauyin da yah au kai a cikin haɓaka sadarwa ga ɗan adam.
Ayatullah Ramezani ya kara da cewa: A wani lokaci saboda ci gaban da aka samu a fannin kimiyya da fasaha, wasu na da'awar cewa wadannan ci gaban za su sa mutane ba su da alaka da addini da koyarwar addini. Hatta wata kungiya a kasashen Yamma ta kirkiro wani lamari mai suna cewa za mu iya yin addini ba tare da Allah ba. Waɗannan su ne waɗanda ba sa yin tunani a kan koyarwar addini kuma suna da ra’ayi ko in kula da addini da koyarwarsa.
Da yake bayyana cewa maida hankali ga ruhiyya yana karuwa kowace rana, ya ce: "A Yamma, muna fuskantar ruhiyyaa ta karya da bata." A Amurka da Turai, akwai kungiyoyin ruhiyyar karya kusan dubu hudu. Duk inda aka yi maganar jabu, to a fili yake cewa mu ma muna da asali, kuma in dai na asalin na nan to ba za a yi maganar jabu ba.
Babban Sakatare Janar na Majalisar Ahlul-Baiti (AS) ya ci gaba da cewa: Addini yana ba da ma'ana ga dan Adam. Shi yana bayar da ma'ana ga rayuwar ɗan adam dake da alaƙa da koyarwar addini. Mun yi imani da cewa zaman lafiya ta hakika na yadda zai iya kai mutum ga nutsuwar rai da ba zai iya samuwa sai a cikin addini.
Ayatullah Ramezani ya ce: Ba a yin la'akari da wannan ruhiyyar a cikin kungiyoyin kiwon lafiya na duniya, amma a yau, suna batun yanayin jiki, yanayin zamantakewa, tunani da ruhi. Wannan yana nufin cewa yayin da muke ci gaba, buƙatar addini da ruhaniya a cikin al'ummar duniya na karuwa.
Ya kara da cewa: Rashin zurfafa fahimtar addini da watakila sabanin da ke akwai a tsakanin wasu addinai ya sa wasu suka tsallake lamarin addini, suka maye gurbin tattaunawa kan ladubba da addini. Mun dukufa kan wannan fanni cewa idan muka kula da addini a madaidaicin yanayi, zurfi da fahimta, fagen kyawawan halaye da ke cikin addini zai bayyana kansa.
Babban shugaban Majalisar Ahlul-Baiti (AS) ya kara da cewa: Sakamakon hakan ba yana nufin wai mai addini ya kasance mai janye jikinsa ba. Wannan ra'ayi na addini da aminci yana mai da hankali kan ci gaban dangantakar bil'adama. Wannan ruhi, wanda aka haife shi daga koyarwar addini na gaskiya, ruhi ne da ke da alhakin, ba ruhi nane daya wuce daukr nauyin alhakin ko ruhin da ba shi da wani nauyi.
Ayatullah Ramezani ya yi ishara da zamanin da ake fama da annobar Corona a kasar Iran inda ya bayyana cewa: A wancan lokacin likitoci da ma'aikatan jinya da daliban makarantun hauza da malamai sun yi jihadi tare da sanya kansu cikin hadari wanda ya kai ga shahadar da yawa daga cikinsu. Jagoran juyin juya halin Musulunci ya ce wannan na daya daga cikin fata na, kuma da ma a ce za su ba da labarin wadannan kyawawan aikin agajin ta hanya mai kyau. Idan mutum yana da irin wannan mahangar irin ta Allah, ba zai taɓa fuskantar matsuwa da kurewa ba.
A bangare na karshe na jawabin nasa, babban sakataren majalisar Ahlul-baiti (AS) ya mayar da hankali kan batun Palastinu yana mai cewa: A yau muna bukatar hadin kan mabiya Ahlul Baiti (AS) don taimakon jin kai ga Gaza. Masu kare hakkin bil'adama su samar da zaman lafiya ga marayun Gaza tare da hadin gwiwa da hadin kai. A yau, Gaza na buƙatar tallafin jin kai tare da hangen nesa na ɗan adam.