Wasu ‘yan uwan Palasdinawa biyu
sun yi shahada a harin bam da aka kai a Nuseirat
Kamfanin dillancin labaran ƙasa da ƙasa na AhlulBaiti (As) -ABNA- ya habarto maku cewa: A hare-haren da sojojin haramtacciyar kasar Isra'ila suka kai a daren jiya kan sansanin Nuseirat da ke tsakiyar zirin Gaza, wasu 'yan uwa Palasdinawa biyu masu suna "Tala" da "Najwi" sun yi shahada tare da mahaifinsu, sannan kuma mahaifiyarsu ta samu munanan raunuka.
Ma'aikatar lafiya ta Falasdinu a zirin Gaza ta sanar a cikin wata sanarwa a rana ta 461 da aka fara yakin cewa, a cikin sa'o'i 24 da suka gabata sojojin haramtacciyar kasar Isra'ila sun sake yin kisan kiyashi har sau 3 kan al'ummar Palastinu a yankin.
An kashe Falasdinawa 70 tare da jikkata 104 a wadannan hare-haren.
Don haka adadin shahidai a yakin Gaza tun daga ranar 7 ga watan Oktoban 2023 ya karu zuwa 46,006, kuma adadin wadanda suka jikkata ya karu zuwa 109,378.
Fiye da mutane 11,000 ne har yanzu ba a gansu ba kuma aka binne su a karkashin baraguzan gine-gine a zirin Gaza.