Kamfanin Dillancin Labarai Na AhlulBaiti

Madogara : ابنا
Alhamis

9 Janairu 2025

10:52:03
1521449

An Kafa Ƙungiyar "Gwagwarmaya A Siriya"; Kungiyar Adawa Da Gwamnatin Golani Ta Farko

Ita dai wannan kungiya tana kallon dakarun Tahrir Sham da mayakanta a matsayin wasu kayan aiki ne kuma sojojin NATO, Amurka da Isra'ila, kuma a cikin wata sanarwa da ta fitar, ta jaddada cewa za ta yaki zalunci da ta'addancin Tahrir Sham da mayakanta.

Kamfanin dillancin labaran ƙasa da ƙasa na AhlulBaiti (As) -ABNA- ya habarto maku cewa: Kungiyar Gwagwarmar al’ummar Siriya wacce a turance take da sunan (Syrian Popular Resistance) ƙungiya ce da ta ƙunshi tsoffin sojoji da mazauna yankin gabar tekun Siriya waɗanda suka bayyana kasancewarsu da kafuwarsu a ranar 30 ga Disamba, 2024 wanda yayi daidai da (10 Day 1403) don kare mutanen yammacin Siriya.

Ita dai wannan kungiya tana kallon dakarun Tahrir Sham da mayakanta a matsayin wasu kayan aiki ne kuma sojojin NATO, Amurka da Isra'ila, kuma a cikin wata sanarwa da ta fitar, ta jaddada cewa za ta yaki zalunci da ta'addancin Tahrir Sham da mayakanta.

A ranar 1 ga watan Janairu 2025 ne kungiyar Resistance Syrian Popular Resistance ta kai farmakin farko a hukumance kan dakarun Tahrir Sham a yankin Al-Hamdaniyah na birnin Halab tare da fitar da sanarwa. Akwai yiyuwar sabbin kungiyoyi za su ayyana wanzuwarsu a kan kalubalantar Tahrir Sham a cikin makonni masu zuwa.