Kamfanin dillancin labaran Ahlul Bayt As ABNA ya habarta cewa, ministan harkokin wajen kasar Saudiyya Faisal Bin Farhan, a wata tattaunawa da ya yi da tashar talabijin ta Al-Arabiya, yayin da yake amsa tambaya kan tashe-tashen hankula da abubuwan da suka faru a Iran a baya-bayan nan, ya ce: Tsayayyen manufofinmu shine rashin tsoma baki cikin harkokin cikin gidan wasu kasashe, kuma Riyadh ba ta Nufin bayyanar da raayinta Dangane da hakan"
Ministan harkokin wajen Saudiyya ya ce: Muna fatan alheri ga Iran da al'ummarta.
Yayin da yake ishara da shawarwarin Tehran da Riyaad ya ce: An gudanar da shawarwari guda biyar a tsakanin kasashen biyu, kuma bangarorin na yin nazari tare da tantance wadannan tattaunawa ta yadda za a iya gudanar da zagaye na gaba Kuma Riyadh da gaske take game da buɗe batun tattaunawar.