Kamfanin dillancin labaran kur’ani na iqna ya habarta cewa, mahukuntan kasar Saudiyya sun bai wa ‘yan kallon gasar cin kofin duniya ta Qatar 2022 da ke da katin “Hayya” damar zuwa Makka da Madina domin gudanar da aikin Hajji a lokacin gasar cin kofin duniya.
Khalid al-Shammari, Darakta Janar na Babban Sashen Kula da Biza na Ma'aikatar Harkokin Wajen Saudiyya, ya ce biza za ta kasance kyauta kuma akwai yiwuwar shiga Saudiyya daga ranar 11 ga watan Nuwamba zuwa 18 ga Disamba.
Kamar yadda kafar yada labarai ta Gabas ta tsakiya ta rawaito, a baya Saudiyya ta sanar da cewa duk wani dan kallo da ke da katin Hiya zai iya shiga kasar ba tare da samun biza ba kuma ya zauna na tsawon kwanaki 60.
Da wannan mataki, Saudiyya na kokarin yin amfani da karbar bakuncin kasar Qatar wajen cin gajiyarta tare da jan hankalin masu yawon bude ido zuwa kasarta a nan gaba.
Menene katin Hayya?
Katin Hayya katin dijital ne wanda ke ba da izinin kasancewar ku a Qatar yayin gasar cin kofin duniya ta Qatar 2022.
Tare da Katin Hayya, ba kwa buƙatar samun takardar izinin Qatar don tafiya Qatar da kallon wasannin Iran da sauran ƙasashe a cikin tsarin gasar cin kofin duniya na 2022.
Bayan siyan tikitin shiga gasar cin kofin duniya ta 2022 a Qatar, dole ne masu sha'awar kwallon kafa su nemi katin Hayya, wanda zai zama tilas don halartar taron.
Ɗaya daga cikin fa'idodin da masu riƙe katin Hayya ke morewa shine sufuri kyauta a ranakun wasannin ƙwallon ƙafa.
342/