Sakataren yace: Majalisar Ahlul -Bayt (as) ta dauke da nasarori masu mahimmanci a cikin shekaru 32 na ayyukanta, ya kara da cewa: ina godiya da wannan kokarin dukkan shugabannin majalisar da Membobinta da Majalisar Wakilan da masu fafutuka na wannan tsari da ma'aikatanta na baya da yanzu.
Ya ce: Sabon tsarin yanayin ayyukan majalisar, ya samu ne bisa ga buƙatu da umarnin jagoran Juyin Juya Hali, da ke cewa wannan shine zamanin canji na abubuwan da suke faruwa a cikin hanyoyi, tsarin, ayyuka na ayyukan wannan ƙungiyar ta duniya na mabiya Ahlul -bayt ( As).
Ayatullah Ramezani ya ci gaba da yin ishara da katsewar da aka samu wajen gudanar da taron inda ya jaddada cewa: Abin bakin cikin shi ne saboda yaduwar cutar nan ta Corona da ake fargabarta an gudanar da taron na bakwai tare da tsaikon shekaru uku kamar yadda ka'idojin da majalisar da Maraji’ai masu alhakin gudanarwar suka sanar da kuma aiwatar da su.
Babban magatakardar majalisar duniya ta Ahlul-baiti (AS) ya bayyana cewa: Tare da kokarin takwarorina na hedikwatar na gudanar da taron na tsawon watanni da kuma neman gayyatar mambobin majalisar, munyi sa’a a yau tare da yanayin da ake ciki, mun ga hallara da kasancewar ɗimbin membobin Majalisar daga ƙasashe 117 na duniya.
Ya kara da cewa: Tare da sauran wadanda aka gayyata, a yau ne aka bude taron karo na bakwai kamar yadda aka sanya tare da halartar manya-manyan masu ruwa da tsaki na addini da kimiya da al'adu da masu fafutuka na tattalin arziki daga mabiya Ahlul Baiti (a.s) da suka hada da gungun 'yan uwa mata masu daraja, tare da halartar da kasancewar mai girma shugaban Jamhuriyar Musulunci ta Iran wajen bude taron.
Ayatullah Ramezani ya ambaci sabunta alkawari da manufofin Imam Rahel Khomaini (RA), da ganawar da Jagoran juyin juya halin Musulunci da halartar sallar Juma'a a birnin Tehran na daga cikin shirye-shiryen taron na 7 ya kuma jaddada cewa: gudanar da kwamitocin a cikin yankin uku. yankunan "Asiya da Oceania", "Afirka da kasashen Larabawa" da "Turai da Amurka" da kuma kwamitin tattalin arziki na mabiya Ahlul-Baiti (AS) na daga cikin sauran bangarorin taron.
Babban sakataren Majalisar Ahlul-baiti (a.s) ya kara da cewa: Gudanar da tarurruka na musamman guda biyu ga malamai da mata, da kaddamar da Wiki na Shi'a a cikin sabbin harsuna biyar, da tarin ayyukan babban taron kasa na kasa na Sayyid Abu Talib a takaice a Mujalladi 21 a cikin yaren Farisa da Larabci suna cikin sauran sassan taro karo na bakwai.
Ya ce: Bude littafin "Sahabban Majalissar", da tunawa da shahidai da matattu na majalisar, da kuma ganawa ta kut-da-kut da ministan harkokin wajen Iran, domin sanin halin da ake ciki a wannan yanki na cikin sauran shirye-shiryen wannan taro.
Yayin da yake ishara da cewa ana gudanar da zama karo na bakwai na babban taron majalisar duniya ta Ahlul-baiti (AS) mai taken "Ahlul Baiti (AS) su ne tafarkin hankali da adalci da mutunci", Ayatullah Ramezani. Ya ce: Zaben wannan taken ya dogara ne kan yanayin da yankin da duniya ke ciki a halin yanzu.
Babban magatakardar majalisar duniya ta Ahlul-Baiti (AS) ya bayyana cewa, duniya a yau, musamman al'ummar musulmi da al'ummar Shi'a, suna bukatar hankali da adalci da mutuncin dan Adam fiye da kowane lokaci don shawo kan rikice-rikice da kalubalen da ake fuskanta, ya kuma yi karin haske da cewa: kokarin tunkarar wannan tsarin shi ne da kewa a gaban tsarin mulkin duniya da ke son bin tsarin mulkin sa na bai daya ta hanyar hare-haren soji da mamayewa ko tallafawa mamayar, da wawashe dukiyar al'ummomi da kwace masu ikon kansu.
Ya yi nuni da cewa makiya suna son haifar da rarrabuwar kawuna tsakanin musulmi da wadanda ake zalunta masu son 'yanci, don hana ci gaban al'ummomi da suka hada da fannin kimiyya da fasaha, tare da zurfafa gibin ci gaban da ake samu a duniya, domin a dunkule jahilci da karkatar Tunani daga tushe na addini, da haɓaka ɗabi'un banza da hanyoyin da suka saba wa ɗabi'ar ɗan adam da sanya cikakken son jindadin sha’awa kaitsaye a duniyarmu.
Ayatullah Ramezani ya yi ishara da tsarin ‘yan mulkin mallaka da kokarinsu na mulkar al’ummomin musulmi musamman mabiya tafarkin Ahlul Baiti (a.s) yayi nuni da kuma yi karin haske da cewa: Wannan hanya ta zo ne daga shahidi Imam Husaini (a.s.) wanda shi ne babban mai busharar ‘yanci da fiti na fito a a gaban girman kai da zalunci a duniyar yau.
Ya ci gaba da cewa: Mabiya Ahlul Baiti (a.s) tare da sauran muminai masu tsantsar Musulunci na Muhammadiyya, baya ga kariya ga kasar da ake zalunta da kuma al'ummar Palastinu da ake zalunta da kuma bukatun al'ummar Palastinu a matsayin babban lamari na duniya da al'ummar musulmi. Mun shaida irin rikice-rikicen masu karfi da a ke fama da su a wannan yanki da duniya baki daya, suna masu zagon kasa ga al’umma domin ganin rashin yunkurawar al'ummar musulmi da hadin kai.
Ayatullah Ramezani ya yi ishara da cewa, daya daga cikin bayyanannun misalan wannan mulkin mallaka shi ne gwagwarmayar da aka shafe fiye da shekaru goma ana gwabzawa tsakanin dakarun gwagwarmaya da masu tsattsauran ra'ayi na takfiriyya da 'yan ta'adda, in da ya kara da cewa: wadannan kungiyoyi, ta hanyar haifar da yaki da zubar da jini da kisan kai bisa tushen asalinsu na mazahaba, a kodayaushe sun dauki matakai da kudirin yin hakan don muradun aikin yahudawan sahyoniyawan Amurka.
Babban magatakardar Majalisar Duniya na Ahlul Baiti (a.s) ya bayyana cewa: yaki da zubar da jinni sun sanya yayi sanadaiyyar rayukan Marayun iyalan gidan Annabi Muhammad (s.a.w) a kasashen yankin musamman Lebanon, Siriya, Iraki , Bahrain, Yemen, har ma da Kashmir, Afghanistan, da Pakistan.
Ya kara da cewa: Kasar Iraki mai dauke da hurumin Ahlul Baiti (a.s) da dimbin mabiyanta, a yau tana cikin zazzafar sabani da hargitsi da watsi da tsarin shari'a da hakkokin tsarin mulki, kuma a sakamakon kwadayin makiya na son komawa baya ga zamanin mulkin kama-karya ke ci gaba da ruruwa.
Ya bayyana cewa al'ummar Yemen da ake zalunta da kuma yaran da ba su ji ba ba su gani ba suna fama da fatara da yunwa da asarar rayukan su da na 'yan uwansu sakamakon ci gaba da yaki da hare-haren bama-bamai, ya kuma bayyana cewa har yanzu al'ummar Bahrain da Afganistan na ci gaba da kokari. domin su samu ‘yancinsu na ‘yan kasa da kuma samun adalci da mutuncinsu na yan Adamtaka.
Ayatullah Ramezani ya bayyana cewa a yankin Kashmir da Pakistan har yanzu 'yan Shi'a suna fuskantar tashin hankali da amfani da karfi na ayyukan barna na kungiyoyin takfiriyya, inda ya ce: Iran din Musulunci kuma ita ce jagorar gwagwarmayar yaki da zalunci da girman kai da mamaya sadaukar da kai wajen yakar makiya al'ummah, ta cikin kaka na kayi na tattalin arziki mafi muni a tarihi.
Babban magatakardar majalisar duniya ta Ahlul-Bait (AS) ya kara da cewa: Idan har aka yi kokarin samar da iko, da yarjejeniyoyin yanki da kuma tinkarar barazana ta hanyar samar da karfin tuwo, ko shakka babu Iran din Musulunci za ta samu makoma mai kyau fiye da sauran kasashe a yankin.
Daga nan sai ya yi ishara da harin da aka shirya da kuma yakin ruwan sanyi da ake yi a duniya, yana mai tunkarar kai hari ga duniyar Musulunci da Shi'a don ruguza ko raunana imanin al'ummar wannan zamani musamman matasa, sannan ya ce: Turawan mulkin mallaka na yammacin duniya karkashin jagorancin Amurka sun sani sarai. Tare da rugujewar Tarayyar Sobiet da kawo karshen yakin cacar baka da yunkurin samar da duniya bai daya ta hanyar dora mulkin Amurka bai-daya, duniyar Musulunci ita ce kadai wacce ta tsaya tsayin daka wajen yaki da ganin rashin ci gaban mulkin kama karya da son kai da son kai da jin girman kani nacewa nafi wani tare da ci gaba da wawure dukiyar al'umma.
Ayatullah Ramezani ya yi ishara da kawar da makirce-makirce da ayyukan makiya a fagen daga sakamakon nasarorin da ake samu a fagen gwagwarmaya yana mai cewa: A yau, gurbacewar tsarin addini da na kasa, inganta jin dadi da tawaya, fasikanci, muggan kwayoyi, luwadi, hare-hare a kan akidu da ka'idoji da hukunce hukunce na addini Yada zindiqanci da akidar sakula wanda hakan na faruwa lokacin da muke fuskantar komowar addini a fagen zamantakewa, dangantakar gwamnati da kasa da kasa na daya daga cikin muhimman bangarori na yakin rowan sanyi da ke gudana.
Babban sakataren Majalisar Duniya na Ahlul-Baiti (AS) yana mai nuni da cewa aikace-aikacen kowa da kowa akan kafofin watsa labaru na gargajiya da na zamani, sararin samaniya, cibiyoyin sadarwar jama'a, ƙirƙirar cibiyoyin bincike da rundunonin yanar gizo don zurfafa gibi tsakanin mutane da addini, duka: Wannan matakin yana da nufin sanya dabi'un yammaci da na mulkin mallaka ana yin sa don haka hana duk wani yunkuri, wanda ke barazana ga muradun jari-hujja na kasashen yamma.
Ya ci gaba da cewa: Fuskantar wadannan barazanar bayan dukkan samun nasarori a fagegen gwagwarmaya da fatattakar makirce-makircen makiya da suka fito daga hannun sahyoniyawan kasa da kasa, kungiyoyin takfiriyya, da guguwar sulhu da daidaita alaka da makiya yahudawan sahyoniya, za a iya fuskantarsu ne ta hanyar zurfafa wayar da kan jama'a da alhakin da ya hau kansu ga dukkan musulmi da masu bin tafarkin Ahlul Baitin Manzon Allah (SAW) mai yiwuwa ne.
Yayin da yake ishara da cewa makiya suna kokarin dora jahilci, wanda shi ne babban bala'i da barazana ga al'ummar bil'adama da Musulunci a yau, a kan al'ummomi, Ayatullah Ramezani ya fayyace cewa: Wannan siyasa ta makiya tana rubanya nauyin da ke kanmu, domin shugaban 'Yanci ne ya fitone domin kawar da irin wannan jahilci mai hatsarin gaske.Kuma ya sadaukar da rayuwarsa don farfado da tafarkin gaskiya da hakika.
Babban magatakardar majalisar duniya ta Ahlul-Baiti (A.S) ya yi nuni da cewa, abubuwan da suke faruwa a wannan zamani ba su kebanta da fagen siyasa da fagen yaki ba, A maimakon haka, suna kokarin ganin rashin tabbatar zamowar addini bai da wani matsayi a fagen zamantakewa da alakar kasa da kasa,kawai ya kebanta da fage na ibada da ayyuka na wajibi ba.
Ya ambaci shakku da sanya shubuha kan wayewar addini da zamantakewa a matsayin wani shiri na makiya yana mai jaddada cewa: Don haka ne a yau fadakarwa da karin haske shi ne hanya mafi kyau na farfado da daukaka da girman Musulunci da kuma cika nufin Allah Madaukakin Sarki na: daukaka kalmar Allah.
Ayatullah Ramezani ya ce: Manufar Jihadin bayani a cikin fadin Jagoran juyin juya halin Musulunci shi ne raya fagagen fahimtar addini ga dukkan musulmi.
Babban sakataren Majalisar Ahlul Baiti (A.S) ya yi nuni dangane da kulawar da aka yi wa Muminin Kuraishawa, Sayyidina Abu Talib, kawun Manzon Allah kuma mahaifin magajinsa, a wannan taron, Ya ce: Abu Talib shi ne abin koyi na fadakarwa da basira da tsayin daka wajen kare hakki a tsakiya da fagen yaki da makiya.
Ya ci gaba da yin nuni da cewa, raya daukaka da girman Musulunci da al'ummar musulmi tare da tsayin daka kan dukkan mu musulmi da mabiya mazhabar Ahlul-baiti (AS) wajen zurfafa wayar da kan al'umma kan ci gaban ilimi da kara fahimtar juna. Yayin da ake fuskantar yaki rowan sanyi ya ce: Jamhuriyar Musulunci ta Iran da ci gaban da aka samu wajen samar da kimiyya da fasaha, da kuma matsawa zuwa ga dogaro da kai da 'yancin kai da gina karfin iko, ta sami damar hana ci gaban makiya a fagage da dama.
Ayatullah Ramezani ya ci gaba da cewa: Majalisar Ahlul-baiti (AS) ta duniya ta fara shirye-shiryenta na samar da sauye-sauye a dukkan fagage, wanda daga karshe ya kamata a samu sauyi a cikin al'ummar Shi'a.
Ya ci gaba da yin nuni da cewa, muna mika hannu ga dukkan manyan malamai da zabbabu shugabanni da masu fafutuka domin gabatar da ra'ayoyinsu domin cimma manufofin Majalisar Ahlul Baiti (A.S) da kuma amfanuwa da hadin kai da aiki da su shiga ayi da su.
Ayatullah Ramezani ya nanata cewa: Babu shakka wannan hadin kai da hadin goyon baya da tarrayar kowa da kowa zai iya share fagen tabbatar da sabon wayewar Musulunci, wadda ta kasance wata wayewa ta Ubangiji da mutuntaka da dunkulewar duniya da ke shirya bullowar mai ceton duniyar dan Adam.
Babban sakataren Majalisar Ahlul-baiti (AS) ya kara da cewa: Kayan aiki da manhajojin wannan yunkuri shi ne binciken salon rayuwar Musulunci bisa koyarwa da koyarwar Imaman shiriya (AS).
Da yake ishara da cewa inganta rayuwar Musulunci da tafarkin Alawi da samun Karin karfi ga musulmi mabiya Ahlul Baiti (a.s) da kuma taka tsan-tsan wajen fuskantar kalubale da barazana, ya dauke shi a matsayin hankali, adalci da mutunci, sannan ya ce: ma'abota kiyayewa wadannan darajoji su ne Ahlul Baiti (A) .
A karshe ya ci gaba da cewa: Ina fatan dukkan malamai da masu tunani da kuma baki na wannan taro za su kara kaimi wajen ganin an samu ci gaba a wannan taro.
342/