Kamfanin dillancin labaran Ahl al-Bait (AS) -ABNA- ya nakalto daga cibiyar yada labaran Falasdinu cewa, kungiyar tarayyar turai ta kira hotunan da aka wallafa na fursunonin "Khalil Awadeh" da abin kidimuwa mai ban mamaki bayan shafe kwanaki 169 na yajin kin cin abinci.
Kungiyar ta bayyana a cikin wata sanarwa cewa fursunonin "Khalil Awadeh" yana tsare ba tare da tuhumar sa ba, kuma a halin yanzu yana cikin mawuyacin hali kuma yana fama da barazanar mutuwa, inda ta bukaci idan har ba a wanke shi daga laifin ba to a gaggauta sakinsa.
Ma'aikatar harkokin wajen Falasdinu ta dora alhakin rayuwar 'yan fursunonin da suke yajin aikin a kan gwamnatin sahyoniyawan
Kamfanin dillancin labaran tashar talabijin ta Aljazeera ya bada rahoton cewa, ma'aikatar harkokin wajen kasar Falasdinu ta mayar da martani kan buga hotunan Khalil Awadeh, wani fursuna dan kasar Falasdinu da ke yajin cin abinci, tana mai cewa: Wadannan hotuna wani tabo ala tsine ne a goshin masu al’ummar kasa da kasa da kasashen duniya da ke riya neman kare hakkin dan adam..
Ma'aikatar ta kara da cewa: Muna la'akari da majalisar ministocin Isra'ila da ke da alhakin ran fursunonin Palasdinawa biyu, John Awadeh da Mohammad Al-Halabi, muna kuma bukatar kasashen duniya da Amurka su dauki matakin sakin wadannan fursunoni biyu cikin gaggawa.