Kamfanin dillancin labarai na Ahlul-Baiti {a.s} - ABNA - Bayanin ya ce, "Rukunin karshe na 'yan Neo-Nazi Azov su 531 sun mika kai da makaman da ke hannun ga siojojin Rasha a jiya Juma’a, kamar yadda kakakin rundunar sojin Rasha, Manjo-Janar Igor Konashenkov ya bayyana a cikin wata sanarwa.
Ya kara da cewa, jimillar sabbin 'yan Nazi ko kuma Neo-Nazi Azov na Ukraine 2,439 da wasu mayakan na daban suka ajiye makamansu tun daga ranar 16 ga watan Mayu ya zuwa jiya 20 ga watan Mayu, kuma a halin yanzu daukacin rukunin Azovstal na karkashin ikon sojojin Rasha.
Ministan tsaron Rasha Sergei Shoigu ya sanar da shugaban Rasha Vladimir Putin a ranar Juma'ar cewa an samu nasarar kammala aikin, in ji Konashenkov. Ya kuma ce suna kula da dukkanin mayakan na Neo-Nazi Azov na Ukraine da suka shiga hannu, domin tabbatar da an kare lafiyarsu.
342/