Kamfanin Dillancin Labarai Na AhlulBaiti

Madogara : Hausatv
Talata

17 Mayu 2022

19:25:33
1258429

Amurka Da Kungiyar Tsaro Ta Nato Na Gudanar Da Atisayin Soji A Kusa Da Iyakar Rasha

Atisayan nan hadin guiwa ya hada da dukkan kasashen dake mambobi a kungiayr tsaro ta Nato a kasar Estoniya kusa da sansanin sojin kasar Rasha, kuma ya hada kasahen guda 10 , inda ake sa rana nan day an kwanaki masu zuwa kasashen Finland da Sweden za su sanar da hadewa da kungiyar ta Nato a hukumance

Kamfanin dillancin labarai na Ahlul-Baiti {a.s} - ABNA - Kamar da yadda kungiyar ta Nato ta bayyana, Atisayan zai ci gaba har zuwa nan da ranar 3 ga watan yuni mai kamawa, kuma ta ce babban makasdudin gudanar da atisayin na hadin guiwa shi ne don kara nuna irin shiri da hadin kai da kasashen da ke mambobi a kungiyar suke da shi ,

kimanin dakarun soji 15000 ne suke gudanar da Atisayin a Estoniya daya daga cikin mafi girma da aka taba yi tun a shekara ta 1991. Kuma ana gudanar da shi ne a wani wuri ai nisan kilomita 64 da sansanin sojin kasar Rasha.

shugaban kasar Rasha Vialdmir Putin yace Kasancewar Finland da Sweden a cikin kungiyar tsaro ta NATO baya wata barazana ga kasar Rasha, sai dai zai mayar da martanin da ya dace kan matakin da wadannan kasashen suka dauka.

342/