M. Adesina ya bayyana hakan ne lokacin da yake zantawa da shugaban tarayyar Najeriya Muhammadu Buhari, a fadar gwamnatin kasar dake birnin Abuja, Inda ya ce, tashin hankalin ya haifarwa duniya tarin kalubale, musamman ma kasashen Afirka, masu shigo da kaso mai yawa na abincin da suke bukata daga kasashen biyu.
Adesina wanda tsohon ministan ma’aikatar noma ne a Najeriya, ya ce a daminar bana, bankin AfDB zai taimakawa kananan manoman Najeriya a kalla miliyan 5, ta yadda za su iya noman hekta miliyan 1 ta masara, da hekta miliyan 1 ta shinkafa, da hekta 250,000 ta dawa da waken soya.
342/