Kamfanin Dillancin Labarai Na AhlulBaiti

Madogara : hausatv
Litinin

15 Nuwamba 2021

16:54:24
1198796

Guteress : Har Yanzu Ba'a Tsira Ba Daga Barazanar Sauyin Yanayi

Sakatare Janar na Majalisar Dinkin Duniya Antonio Guterres ya bayyana cewa, har yanzu duniyarmu za ta ci gaba da fuskantar barazanar sauyin yanayi.

Kamfanin dillancin labarai na Ahlul-Baiti {A.S} - ABNA : M. Guteress, ya ce, har yanzu akwai sauren jan aiki kafin a tsira daga faruwar iftila'in dake faruwa sanadin sauyin yanayi.

Babban sakataren na MDD, ya yi wannan furicin ne bayan kammala taron koli na sauyin yanayi.

A karshen taron dai na Glasgow, kasashen duniya sun amince su rage a mai makon kawar da amfani da kwal bayanda wasu suka nuna rashin jin dadinsu.

Shugaban taron na COP26, Alok Sharma ya ce '' ya yi matukar nadama'' a kan yadda abubuwa suka faru. Sai dai ya ce yana da matukar muhimmanci a kare yarjejeniyar baki daya.

Taron kolin sauyin yanayi na MDD ya kammala a ranar Asabar bayan tsawaita wa’adin taron da kwana guda, inda mahalarta taron suka amince da sabuwar yarjejeniyar kasa da kasa game da yadda za a tinkari batun magance matsalolin sauyin yanayi.

342/