?>

Iran:Kasuwar Baje Kolin Kayakin Kirar Cikin Gida A Shiraz Zai Kashe Tasirin Takunkuman Tattalin Arziki

Iran:Kasuwar Baje Kolin Kayakin Kirar Cikin Gida A Shiraz Zai Kashe Tasirin Takunkuman Tattalin Arziki

Kasuwar baje koli na farko na kayakin kamfanonin cikin gida na kasar Iran a birnin Shiraz wani babban mataki ne na kawo karshen tasirin da takunkuman tattalin arzikin kasashen yamma suka yi a cikin tattalin arziki da kuma rayuwar mutanen kasar Iran.

Kamfanin dillancin labarai na Ahlul-Baiti {a.s} - ABNA - kasar Iran ya bayyana cewa kamfanonin cikin gida sun kera bangarori daban-daban na ingijunan da kayakin da ake bukata a cikin gida 40,000 a cikin yanayi na matsin lambar tattalin arziki wanda kasashen yamma suka dorawa kasar Iran.

Labarin ya kara da cewa kasuwar baje kolin kayakin daban-daban na Shiraz a lardin Fars dai ya na baje kolin kayakin da aka kerasu don bukatar kamfanonin sarrafa sinadaran man fetur, wato Petrochemicals, man fetur da iskar gasa, kamfanonin sarrafa abinci, da kayakin noma, kamfanonin magunguna, sararin samaniya da jiragen sama da sauransu.

Kasuwar baje kolin dai na tsawon kwanaki 4 ne wato daga ranar 21-24 ga watan Yuni da muke ciki.

Mafi muhimmanci daga cikin kayakin da kamfanonin cikin gida suka kera ko suka samar a cikin gida sun hada da “Gas Deodorizer” wanda yake ciriwa ko sanya kanshi iskar gasa, wanda ake shigo da shi daga kasar Faransa kafin takunkuman tattatalin arzikin da kasashen yamma suka dorawa kasar.

Har’ila yau a halin yanzu ana samarda tsarin “relay Box” na injina wadanda suka hada da na motocin hawa ko wasu injunan daga cikin gida wanda kafin haka kasashen kadan ne a duniya suke iya sama da shi.

342/


Ka aiko da Ra'ayinka

Your email address will not be published. Required fields are marked *

*