• An fara taron tunawa da munasabar haihuwan Imam Ali Ar-Rida a Kano

    Yau Alhamis,3 ga watan Agusta 2017,Harkar Musulunci a Nigeriya karkashin jagorancin Sheikh Ibrahim Yakubu Zakzaky ta fara gabatar da jerin tarukan da ta shirya domin tunawa da ranar haihuwan Imam Rida a Kano,wanda Ad-Da’iral Ammah ta saba shirya a duk shekara a Hussainiyyar Baqiyyatullah Zariya kafin a rusa ta. A wannan shekarar taron an fara yinsa ne a Markaz dake Kofar Waika Kano tarayya Nigeriya,kuma za a kammala taron ranar Asabar mai zuwa. Duk shekara akan canja tutar haramin Imam Ridha (as) da wata,wadda aka cire din ana kyautar da ita ga wani daga cikin masu hidima ga AhlulBait a duniya.To,a wannan shekarar an aikowa da Sheikh Zakzaky ita wannan tutan da aka cire a matsayin kyauta da karramawa.Bayan tutan ta isa ga Sheikh Zakzaky a in da yake a tsare.Sai Sheikh yayi umurni da baiwa Malam Sanusi Abdulkadir a matsayin girmamawa saboda sadaukarwansa,sannan kuma ya shirya taro na musamman dangane da Imam Ridha,sannan a sanya tutan a Hussainiyyar Markaz dake Kofar Waika. Daga cikin abubuwan da aka gudanar yau a matsayin rana ta farko daga cikin jerin kwanaki uku na taron,bayan bude taro da addu’a da karatun Alkur’ani da karatun Ziyara,an gabatar da jawabai masu muhimmanci a wajen taron. Sheikh Adamu Tsoho Jos a matsayin babban bako mai gabatar da kasida a wannan rana ya fara jawabinsa da taya ‘yan uwa murna na zagayowar wannan rana ta haihuwan Imam Ridha wanda bisa ludufin Allah ranar haihuwarsa ya zo daidai da ranar haihuwar ‘yar uwarsa Sayyidah Ma’asumah. Shehun Malamin ya bayyana cewa “dole mu godewa Allah na samun kanmu cikin masu raya al’amarin AhlulBait.Na farko,mu godewa iyayenmu da ba a same mu ba ta hanyar da ba ta dace ba,kuma mu ba munafukai bane kaman yanda ta tabbata a riwaya. “Ya zo a hadisi daga Imam Sadiq yana cewa Allah yayi rahama ga wanda ya raya al’amuran mu.Wannan irin taro namu yana daga cikin raya al’amarin AhlulBait.” Shi kuma Sheikh Sanusi AbdulKadir a na shi jawabin bayan ya godewa Allah bisa ga wannan karramawa da Sheikh Zakzaky yayi masu ba wai don ya isa bane,ya bayyana cewa: “Tutar Haramin Imam Ridha babu wadanda suke cirota sai mutum 4 a Iran,Sayyid Khamnae da wasu ne suke ciro ta.Bayan an ciro ta ana baiwa Sayyid Khamnae ya dauki tsawon lokaci yana tawassali da ita.Sannan ya dawo da ita yace a samu wani bawan Allah a duniya wanda yake yiwa addini hidima a bashi ita. “Shine sai aka aiko ta ga jagoranmu Sayyid Zakzaky.Shima ya dauki lokaci yana tawassali da ita a inda yake tsare yanzu,sannan kuma ya aiko da ita nan Kano yace a shirya gaggarumin taro.Sayyid yace ya so a ce yana nan ya shirya taron da yafi na baya amma yanzu Dr Sanusi yayi iya kokarinsa ya ga taron anyi.” Taron ya samu halartan ‘yan uwa maza da mata daga wurare daban daban cikin Nigeriya.Kuma taron yana gudana cikin nasara da taimakon Allah.

    cigaba ...
  • Babban taron tunawa da haihuwar Imam Ridha[AS] na shekara shekara a Kano

    Ana gayyatar daukakin al'ummar musulmi zuwa babban taron tunawa da haihuwar limami na takwas cikin jerin limaman shiriya na gidan Manzon Allah[SAWA] watau Imam Ali Ibn Musa Arridha[AS] wanda Harkar Musulunci ta saba gabatarwa a ko wacce shekara. A wannan karon za'a gabatar da wannan babban taro ne a Kano......................, Malam Sunusi Abdulkadir shine mai masaukin baki. Da yardan Allah za'a kwashe tsawon kwanaki uku ne ana gabtar da taron inda za'a soma shi tun daga ranar Alhamis zuwa ranar Asabar in Allah ya yarda

    cigaba ...
  • An yi taron tunawa da ranar Kudus ta duniya da kuma kaddamar da littafi a Abuja

    A yau Asabar,29 ga watan Yuli 2017,’yan harkar Musulunci a Nigeriya suka shirya taro na musamman domin tunawa da ranar Kudus ta duniya da kuma kaddamar da littafi a Abuja tarayyan Nigeriya. An yi wannan taro ne dakin taro na Merit House dake Abuja.Bayan bude taro da addu’a ne,Dr Shu’aibu ya bayyana maqasudin taron da taken taron da kuma mutanen da zasu gabatar da kasida a wajen taron. Hon.Ebenezer Oyintikin,daya daga cikin wa’yanda suka gabatar da kasida a wajen ya bayyana cewa shi kirista ne amma yana amfani da wani hadisi ya samu daga Annabi Muhammadu(sawa) cewa: “Idan abinda zaku saya ma ‘ya’yanku ba zasu isa ku raba ku hada da yaran makwabtanku ba,to,ku basu a cikin gida kar ku sake su fita dashi waje.” Ya cigaba da cewa ya san Harkar Musulunci wadda Sheikh Zakzaky yake jagoranta ta doru ne akan wannan hadisi na Annabi da tsari na tausayi ga al’umma da jin kai. Shi kuma Hon.Deji Adeyanju a nashi jawabin cewa yayi: “Ban taba ganin lalatacciyar gwamnati kamar ta Nigeriya ba.Basa girmama mutanen kirki masu ilimi amma suna sasanci da lallaban ‘yan ta’adda.Na tabbata da shi’a suna da makamai da tuni gwamnati ta fara sasanci da su. “Takurawar da gwamnati take maku ta kaikace tana fada maku ne ku dauki makamai ku zama ‘yan ta’adda,sai ku kuma kuka nuna masu kuna da hankali da tunani.” Deji ya nuna takaicinsa dangane da lalacewan kasan nan,yana cewa: “Ya gwamnati zata kashe mutum sama da 1000 amma shugaban kasa ya fito gidan talabijin yana cewa “me yasa suke dukan kirjin soja?”Wallahi baka da Kalmar da zaka iya fassara wannan gwamnati.” Dr John Danfulani a lokacin da yake gabatar da nashi bayanin ya bayyana abubuwan alkairi da ya gani game da Harkar Musulunci a Nigeriya,yana cewa: “Na halarci ayyukan da tarukan IMN da yawa fiye da yadda wani dan IMN din.Na je Tattakin Arba’een,na ga bayin Allah da aka kashe a lokacin tattakin,na ziyarci Sheikh Zakzaky lokaci daban daban.Na fahimci cewa ‘yan harka suna da tsari kuma suna tare da Allah.Ya za a yi cikin kasa da shekara 40 ya zama an iya samar da mutane sama da miliyan 20 in ba abin Allah ba? “Kaman yanda na ga wani hadisi yana cewa shi mutum imma dan uwanka ne a halitta ko dan uwanka a addini.Kuma shi’a sun yi riko da wannan hadisin ta yanda suke mu’amala da kowa kamar yadda ya gabata.Har yanzu ba zaka taba samun dan shi’a dan ta’adda ba,dukkan bangarorin ISIS,DAESH da Boko Haram dukkansu ba shi’a bane.” Daga cikin wa’yanda suka gabatar da kasida a wajen taron akwai;Professor Chidi Odunkalu,Alhaji Muktar Sirajo,da sauransu. Sheikh Abdulhamid Bello ne ya wakilci Sheikh Yakubu Yahaya Katsina a taron.Sannan da aka zo kaddamar da littafin da aka wallafa,sun sayi kofi biyu akan kudi naira dubu dari ga Sheikh Zakzaky da mai dakinsa Malama Zeenah Ibrahim. Sannan Ahlul Dothour sun sayi kwafi 10 akan kudi naira dubu dari biyu,sai Malam Gamawa ya sayi kwafi 10 akan kudi naira dubu dari biyu da hamsin ga Shugaba Muhammadu Buhari da Gwamna Nasiru ElRufa’I da Sufeto Janar na ‘yan sanda da sauransu. Duk da ‘yan sanda sun kawo ziyara wajen sun tafi ba tare da wani abu ya faru ba,kuma an kammala taron lafiya cikin nasara.

    cigaba ...
  • Almajiran Sheikh Ibrahim Zakzaky sun yi muzahara a Abuja domin tunawa da shahidan Quds na 2014

    A yau laraba 26 ga watan Yuli 2017 ne daruruwan almajiran Sheikh Ibrahim Yakubu Zakzaky suka yi gaggarumar muzahara a birnin tarayya Abuja domin tunawa da 'yan uwansu da aka kashe a lokacin muzaharan Quds ta 2014. Sun fara muzaharan daga Area 2,suna tafiya cikin tsari da natsuwa suna dauke da hotunan Sheikh Zakzaky da banonin da aka rubuta free Zakzaky,Free Palastine.Suna rera waqoqi iri-iri wadanda suke alamta neman a yantar da Falasdinu,da kuma gwamnatin Nigeriya ta gaggauta sakin Sheikh Zakzaky da mai dakinsa ba tare da sharadi ba. Sun karkare muzaharan da kona tutan Isra'ila a park na Area 1,sannan suka yi addu'a kowa ya watse ba tare da wani abu ya faru ba kaman yanda majiyar mu ta shaida mana. In ba a manta ba a shekarar 2014 ne a lokacin da almajiran Sheikh Zakzaky suka fito Muzaharan Quds a Juma'ar karshen Ramadan din shekaran ne, sojoji suka zo suka bude wuta akan masu muzaharan wanda yayi sanadin shahadan sama da mutum 30 wanda ya hada 'ya'yan jagoran harkar musulunci a Nigeriya Sheikh Ibrahim Zakzaky.

    cigaba ...
  • Jami’an tsaro sun tarwatsa masu taron tunawa da Shahidan Quds 2014

    A yau ne da gamayyan jami’an tsaron da suka hada da Mopol da ‘yan sanda da sojoji suka zo farfajiyar filin Darur Rahma dake a kan hanyar zuwa Jos a lokacin da ake yin taro domin tunawa da ‘yan uwa almajiran Sheikh Zakzaky da sojoji suka kashe a Muzaharan Quds ta 2014 suka umurci kowa da kowa da ya watse a ya bar wajen. Jami’an tsaron da suka je Darur Rahma domin tarwatsa masu wannan taro sun kai kimanin mota 8 zuwa 10 dauke da muggan makamai suna umartan mahalarta taron da su bar wajen taron. Ganin haka ya sanya jagororin taron suka yi addu’a suka ziyarci shahidan dake kwance a wajen,sannan suka fito daga wajen cikin natsuwa,su kuma jami’an tsaron gefe guda suna bin su a baya har suka fito bakin titi suka hau ababen hawansu suka tafi suka bar wajen. A lokacin da majiyarmu ta tuntubi AC din Zariya,ACP Ibrahim akan ko me yasa jami’an tsaro suka je wajen wannan taro domin su hana shi?Sai yace : “akwai matsala ne a wajen shi yasa suka basu shawara su bar wajen.” Shi kuma Sheikh Abdulhamid Bello,daya daga cikin jagororin wannan taro cewa yayi: “Mun saba duk shekara muna shirya irin wannan taro domin tunawa da ‘yan uwanmu su 34,ciki har da ‘ya’yan jagoranmu guda uku da aka kashe a shekarar 2014. “Mun fara taron da karfe 8:00 na safe,can wajen karfe 10:00 na safe sai ga jami’an tsaro sun zo sun same mu,da farko sun fara zagaye mu ne ba tare da sun ce komai ba,sai muka cigaba da taron mu. “Zuwan ‘yan sanda karkashin jagorancin ACP ked a wahala,sai suka fara kawo mana cikas a taron,sun ta kokarin su sa mu harzuka amma ba suyi nasara ba.Sai suka zo suka cewa mai wa’azi ba damuwa,yi ka gama ka karkare ku tashi ku bar wajen.” Sheikh Bello ya sheda ma majiyarmu cewa taron ya samu halartan almajiran Sheikh Zakzaky daga garuruwan kusa da nisa kuma anyi jawabai masu yawa kafin zuwan jami’an tsaro su kawo cikas

    cigaba ...
  • An Gabatar Da Muzaharar Lumana A Abuja

    A jiya laraba ne, matasa karkashin dandamalin daliban harkar musulunci na Nigeriya suka gudanar da muzaharan lumana a garin Abuja, domin neman gwamnatin Nigeriya ta bi umurnin kotu ta saki jagoransu Sheikh Ibrahim Zakzaky wanda yake a tsare a hannun DSS tun Disambar 2015 duk da babban kotun tarayya tayi umurni da sake shi a watan Disambar 2016. In ba a manta ba sojoji a lokacin da suka kai wannan hari a gidan Sheikh Zakzaky dake Zariya sun harbi malamin a wurare da dama na jikinshi wanda yayi sanadin rasa idonsa daya.Sannan an kashe masa 'ya'ya uku tare da harbin mai dakinsa a qugu. Wadannan matasa dalibai sun gudanar da wannan muzaharan cikin tsari,suna dauke da kwalaye an rubuta free zakzaky, suna wake na neman a saki jagoransu,suna tafiya har zuwa inda zasu kulle muzaharan,kawai sa 'yan sanda suka zo suka fara antaya masu tiyagas. Har zuwa lokacin hada wannan labarin bamu da labarin kama wani daga cikin masu muzaharan ko samun rauni daga cikinsu. Kuna iya ganin wasu hotunan muzaharan a kasa:

    cigaba ...
  • Ana yunkurin hallaka Sheikh Zakzaky

    Shugaban dandalin yada labarai na harkar musulunci a Nigeriya,Ibrahim Musa ya fadi a wata takarda ta manema labarai da ya aiko da ita yau 19 ga watan 2017 cewa an yunkurin hallaka jagoran harkar musulunci a Nigeriya.Yana cewa:

    cigaba ...
  • Shari’ar ‘Yan uwan da aka kama a Zariya:Har yanzu ba tabbatar da laifin ‘yan uwan da aka kama a Zariya ba ____Inji Festus Okoye

    A jiya talata,18 ga watan Yuli 2017 ne aka cigaba da shari’ar ‘yan uwa almajiran Sheikh Zakzaky wa’yanda aka kama a lokacin da sojoji suka kai hari gidan Sheikh Zakzaky da Husainiyyah da Darur Rahma a watan Disamban 2015. Alkali David Shiri Nyom a babban kotun jihar Kaduna ne ya cigaba da sauraron shedu guda biyu daga rundunar soja wadanda suka dinga tubka da warwara a zancensu a lokacin da lauyoyin Harkar Musulunci suke masu tambayoyi. Daya daga cikin masu gabatar da shedan mai suna Birgediyya Janar A K Ibrahim yayi tubka da warwara a lokacin da yake bada labarin shigan shi Zariya a ranar 12 ga watan Disambar 2015.Ya fada ma kotu cewa ya shiga Zariya a wannan ranar da misalin karfe 5:30 na yamma,sai daga baya ya karyata shigan shi Zariya a wannan lokacin da ya fadi(wato 5:30) a lokacin da lauyan ‘yan uwa almajiran Sheikh Zakzaky yake mashi tambayoyi,yana cewa a’a,shi da karfe 6:00 ne ya shiga Zariya sabanin 5:30. Dayan shedan kuma sunansa Laftanal Kanal Ali.Ya fadi a lokacin da yake bada sheda cewa makaman da suka samu a wajen daliban Sheikh Zakzaky sun mikawa ‘yan sanda a ranar 13 ga watan Disambar 2015 wanda ya saba da bayanin da Lauya Festus ya bayar akan cewa an mikawa ‘yan sanda makaman ne a ranar 9 ga watan Febrerun 2016. Kanal Ali yace ba zai yi mamaki ba idan ya zama cewa an mikawa ‘yan sanda wadannan makaman ne a wannan ranar da Festus Okoye ya fadi sabanin yanda ya fadi. Kaduna DPP,Dari ya fadawa manema labarai a lokacin da aka fito daga kotun cewa yana jin dadin yanda shari’ar take gudana. Festus Okoye a lokacin da yake amsa tambayoyin manema labarai ya fadi cewa: “Mu abinda ya dame mu shine har yanzu wadanda ake zargi suna nan a kubutattu tunda ba a iya tabbatar da laifinsu ba.Kuma masu zargi sun gajiya wajen tabbatar da laifin wadanda ake zargi.Amma dai Alkali ne yake da magana ta karshe.” A karshe dai Alkali David ya dage shari’ar zuwa 8 da 9 ga watan Agusta 2017.A wannan ranar a sa ran za a gabatar da karin wasu shedun.

    cigaba ...
  • Zamu daukaka kara Inji Sheikh Yakubu Yahaya Katsina

    Sheikh Yakubu Yahaya Katsina ya bayyana cewa zasu daukaka kara dangane da hukuncin da Alkalin babban kotun tarayya na Kaduna yayi na watsi da karar da Sheikh Ibrahim Zakzaky ya shigar a kotun yana neman haqqoqinsa a kotun.

    cigaba ...
  • Almajiran Sheikh Ibrahim Zakzaky sun gudanar da muzaharori domin nuna Allah wadai da watsi da karar Sheikh Zakzaky da Babban kot

    A ranar Alhamis din da ta gabata ne,Alkalin babban kotun tarayya na Kaduna yayi fatali da karar da babban malamin Shi’a a Nigeriya wato Sheikh Ibrahim Zakzaky ya shigar domin neman haqqoqinsa da aka tauye. Tun bayan wannan hukunci na wannan Alkali ‘yan uwa da masoya wannan malami suke ta nuna alhinin su dangane da wannan hukunci na wannan Alkali. A jiya juma’a,’yan uwa almajiran Sheikh Zakzaky a wurare da dama a fadin Nigeriya sun gudanar da muzaharori na nuna rashin amintarsu da jin dadin su da wannan hukunci na babban kotun tarayya ta Kaduna. Malam Hasan Adam,wakilin ‘yan uwa almajiran Sheikh Zakzaky na garin Suleja a lokacin da yake jawabi bayan kammala muzaharan a garin Suleja ta jihar Nigeriya,ya nuna takaicinsa dangane da irin ta’addancin da aka yiwa Sheikh Zakzaky na rusa masa gida da kashe masa almajirai wadanda suka hada da ‘ya’yan cikinsa da kuma harbin malamin a wurare da dama na jikinsa da kuma cigaba da tsare shi ba akan wani dalili ba. A garin Kano ma anyi irin wannan muzahara,inda Malam Sanusi AbdulKadir ya jagorance ta.An fara wannan muzaharan ne daga kofar masallacin juma’a na Fagge aka biyo ta Ibrahim Taiwo,sannan aka kammala a randan Sheikh Isyaka Rabi’u. Malam Sanusi Abdulkadir a lokacin jawabin kammala muzaharan yayi kira ga gwamnati da ta gaggauta sakin Sheikh Ibrahim Zakzaky ba tare da wani sharadi ba.Sannan kuma ta mutunta doka ta biya shi diyya. A karshe yayi kira da ‘yan uwa ka da su gajiya wajen fafatikan ganin an sako Sheikh Ibrahim Zakzaky

    cigaba ...
  • Alkalin Babban kotun Tarayya na Kaduna ya kori karar da Sheikh Ibrahim Zakzaky ya shigar yana neman hakkokinsa.

    A yau ne Alkalin babban kotun tarayya dake Kaduna ya yanke hukuncidangane da karar da Sheikh Ibrahim Zakzaky ya shigar a wannan kotu.In ba a manta ba Sheikh yayi karar rundunar sojan Nigeriya,da Antoni Janar na tarayya,da kuma gwamnatin jihar Kaduna domin neman hakkokinsa da aka tauye. Alkalin kafin yanke wannan hukunci,sai da ya karanto dalilin shigar da karar da dukkan tattaunawar da lauyoyi suka yi a lokacin sauraron karar a baya.Daga cikin abubuwan da alkalin ya fadi yace : “Sheikh Zakzaky da matarsa Malama Zeenatuddeen Ibrahim sun nemi kotu da tayi masu adalci,saboda wanda suke kara na farko(soja) da na biyu sun je gidansu a Gyellesu dake Zariya Kaduna suka hallaka musu ‘ya’ya uku tare da kona musu gida da kuma harbinsu da tsare su tare da umurnin kotu ba,wanda wannan ya saba ma dokokin ‘yancin dan Adam. “Sannan suna neman a hana dukkan wadanda suke takura musu takura masu,sannan a biya su diyyan Naira biliyan biyu.” Alkalin ya cigaba da cewa: “Lauyan wanda ake kara na uku,ya bayyana cewa shigar da kara guda biyu iri daya a kotu daban kuma ana neman abu guda raina kotu ne. “Lauyan masu gabatar da kara ya bayyana cewa shari’ar da aka yi a Abuja ba iri daya ba ce da ta wannan kotun na Kaduna.In da ya bayyana cewa a Abuja sun nemi da a saki Sheikh Zakzaky ne saboda a can ake tsare da shi ,a nan kuma suna magana ne akan rushe rushe da aka yi masu.” Alkalin ya nuna bai yarda da wannan maganar da lauyoyi masu gabatar da kara suka yi ba.Sannan kuma Alkalin ya karanto takardar da Lauyan Sheikh Zakzaky,Chif Femi Falana (SAN) wanda a ciki yake cewa gwamnatin tarayya ta daukaka karan shari’ar Abuja,amma shi Alkalin yace wannan kotun ba ta da ikon binciken abinda ke kotun daukaka kara. A karshe dai Alkalin ya kori wannan karar da dalilin cewa ba a bi hanyoyin da ya kamata a bi ba wajen shigar da karan. Bayan an fito daga sauraran karar,’yan jaridu sun zanta da daya daga cikin lauyoyin da ke kare Sheikh Zakzaky wato Lauya Festus Okoyo domin jin albarkacin bakinshi, in da yake cewa: “Kamar yadda a tsarin shari’a mai kara shine mai “case”,lauya wakilinsa ne.Mai kara shi zai yanke hukuncin abinda za a yi.Shi lauya na shi ya bada shawara. “Don haka za a sanar da Sheikh Zakzaky wannan hukunci,shi kuma zai yanke abinda za a yi,ko a karbi hukuncin,ko a daukaka kara.Sai dai lauyoyi za su ba Sheikh shawara akan abinda suke ganin ya dace.

    cigaba ...
  • JAMI’AN TSARO A NIGERIYA SUN ANTAYAWA DALIBAI MASU MUZAHARAN NEMAN A SAKI SHEIKH IBRAHIM ZAKZAKY A ABUJA NIGEIYA

    Tun bayan waqi’ar da ta faru a garin Zariya a watan Disamban 2015,wadda tayi sanadiyyar rasuwar daruruwan mabiya babban malamin Shi’a a Nigeriya mai suna Sheikh Ibrahim Zakzaky ne,kungiyar Dalibai na Harkar Musulunci a Nigeriya suke fitowa suna muzaharori domin nuna rashin amincewarsu da aika aikan da akayi masu da kuma cigaba da tsare Jagoransu ba tare da wani haqqi ba musamman ma da babban kotun tarayya tayi umurni da saki malamin amma gwamnati tayi biris ta wannan umurni na Kotu. Yau ma kaman sauran lokutan baya,wa’yannan dalibai karkashin wannan kungiyar ta dalibai sun fito domin neman a saki Sheikh Ibrahim Zakzaky a garin na Abuja Nigeriya. Wa’yannan dalibai sun fito cikin tsari da nizami kaman yanda suka saba fitowa a lokutan baya.Daliban sun dauko muzaharan ne daga bakin kasuwar UTC dake Area 10 dauke da banoni da kwalaye wa’yanda aka rubuta “free Zakzaky” a jikinsu,suna rera wakoki na kira ga gwamnatin Nigeriya karkashin shugabancin muqaddishin Shugaban Kasa da ya bi umurnin kotu ya saki Sheikh Zakzaky wanda yanzu yake neman shekara biyu a tsare ba tare da wani laifi ba. Muzaharan ta biyo ta wajen “Art and Culture” har zuwa hanyar da zai kai ga Area 1.Karasowar masu muzaharan ke da wuya kasuwan Area 1 ne,kawai sai jami’an tsaro suka zo suka fara harbo barkonon tsohuwa akan masu muzaharan. Masu muzaharan sun rufe muzaharan a wannan kasuwa ta Area 1,kowa ya watse.Har zuwa hada wannan labari bamu da labarin kama wani daga cikin masu muzaharan.

    cigaba ...
  • Gaskiyar Abunda Ya Faru A Muzaharar Kaduna

    A ranar juma’ah,29 ga watan Ramadan da ta gabata ne ‘yan uwa almajiran Sheikh Ibrahim Yakubu Zakzaky suka bi sahun sauran mutanen duniya wajen amsa kiran Imam Khomaini na shirya gangami da muzaharori da taruka domin nuna goyon baya ga raunanan duniya musamman Palasdinawa,da kuma bayyana irin zalunci da ta’addancin sahayona akan al’umma. Wani shedan gani da ido ya shaida mana cewa masu muzaharan sun fito ne daga wajen Polytechnic dake Tudun Wada Kaduna zuwa wajen Kasuwan Barci suna rera wakoki na goyon baya ga Palasdin da kuma kira ga gwamnati da saki Sheikh Zakzaky ,da misalin karfe 1:00 da wani abu,sai kawai suka ga gamayyan ‘yan sanda da sojoji suka fara harba tiyagas da harsashai masu rai akan wa’yannan masu muzaharan. Kanar Kingsley Umoh,mataimakin daraktan hulda da jama’a na rukuni na daya na sojojin Nigeriya ya tabbatar ma da wakilinmu cewa an kama kimanin mutane goma,amma yace sojoji sun je wajen ne bayan ‘yan sanda sun daidaita lamurra. Wani daga cikin wadanda aka yi wannan muhazaran ya tabbatar mana da cewa suna cikin gudanar da muhazaran Quds din lami lafiya cikin tsari,sai kawai gamayyan ‘yan sanda da sojoji a daidai shatale talen kasuwan barci suka fara bude masu wuta da harsashai masu rai da antayo barkonon tsohuwa akansu,su kuma masu muzaharan suna jifansu da duwatsu.Daga nan ne ‘yan sandan suka gayyato ‘yan iskan gari dauke da nau’i iri iri na makamai suna bin su da sara da doka. Wani shedan gani da ido(bai so a ambaci sunansa) ya tabbatar mana da cewa ya ga wata mata da aka fasa mata kai sakamakon duka da kokara,sannan an harbi yaron Dr Mustafa Sa’ida mai suna Husain wanda bai wuce shekara 9 ba.Babu tabbacin rasa rai kaman yanda wannan malamin ya shaida mana. Sannan mun samu labarin kama wani dan jarida dake wakiltan gidan rediyon jamus a lokacin wannan yamutsi amma an sako shi bayan kungiyar ‘yan jarida ta Kaduna ta je ta bi lamurran,amma ‘yan sandan sun bugaci da ya koma ofishin su domin bin bahasi ran laraba mai zuwa. Jiya asabar da yamma wasu gungu na matasa na harka sun kara fita muzahara da nufin karasa wannan muzahara da basu kammala ba ran juma’a saboda hari da aka kai masu.Sun yi muzaharan ne daga shatale talen Leventis dake tsakiyan Kaduna kuma Alhamdulillah sunyi sun gama lafiya ba tare da wani abu ba

    cigaba ...
  • Ranar Quds ta Duniya: Anyi Muzaharan Quds a Nigeriya.

    Yau ce juma’ar karshe ta watan Ramadaan ta bana.A irin wannan ranar ce musulmi a duk fadin duniya suke fitowa domin nuna goyon bayansu ga raunanar Palasdin da raunanar duniya gabaki daya da kuma rashin amincewa da cigaba da mamayan sahayona a wannan yankin na Palasdinu. Musulmi a Nigeriya sun amsa wannan kiran na Imam Khomaini ta hanyar gudanar da Muzaharori da taruka domin nuna goyon baya ga raunanar duniya da kuma bayyana zaluncin azzulumai. Anyi irin wa’yannan muzaharori garuruwan Sokoto,Katsina,Potuskum,Kudan,Kaduna da Yola da sauran manya jihohin Nigeriya.A garin Sokoto Malam Kasimu Umar ne ya jagoranci muzahara da bayanin rufe ta.Haka nan a garin Yola Malam AbdulRahman Yola ne ya jagoranci wannan muzaharan. Kuna iya ganin wasu hotunan muzaharan a kasa

    cigaba ...
  • A saki jagoran mu Sheikh El-Zakzaky - Takardar manema labarai da aka raba

    A kwana a tashi har mun doshi kwanaki casa’in cikin jimamin mummunan harin da rundunar sojin gwamnatin Tarayyar Nijeriya ta kai wa ’yan uwa musulmi na Harkar Musulunci a birnin Zazzau. Zai yi kyau a wannan rana ta jimami, mu yi tilawa a takaice na irin ta’addancin da aka yi wa ’yan uwa musulmi bisa.

    cigaba ...
پیام امام خامنه ای به مسلمانان جهان به مناسبت حج 2016
We are All Zakzaky