Cin Zarafin Wani Yaro Ba'iraniye A Amurka Ya Dauki Hankula Kafofin Sadarwa

  • Lambar Labari†: 809164
  • Taska : Pars Today
Brief

Cinzarafin wani karamin yaro dan shekaru biyar da haihuwa a filin jirgi na Dalas a jahar Virginia saboda asalin iyayensa Iraniyawa ne, hakan ya dauki hankulan kafofin yada labarai na kasar ta Amurka matuka.

Tashar alalam ta bayar da rahoton cewa, jami'an tsaron kasar Amurka sun kame yaron wanda yake tare da mahaifiyarsa wadda asalinta ba'iraniya ce amma haifaffar Amurka, inda suka daure shi da ankwa a cikin filin safka da tashin jiragen sama na Dalas a Virginia har na tsawon sa'oi.

Kafofin yada labarai a dukkanin fadin Amurka sun yi ta yada wannan labari, wanda hakan ya sanya kungiyoyin kare hakkin bil adama na ciki da wajen kasar suka yi Allawadai da wannan cin zarafi da muzguna wa ga karamin yaro dan shekaru 5 da sunan yaki da ta'addanci.

Sean Spicer kakakin fadar white house a lokacin da yake amsa tambayoyin manema labarai, an yi masa tambaya kan wannan cin zarafi da suka yi wa wannan karamin yaro, inda ya bayar da amsa da cewa, shi ta'addanci ba shi da banbamci tsakanin babban mutum da karamin yara.288


Ka aiko da Ra'ayinka

Your email address will not be published. Required fields are marked *

*

Sakon Jagora Ga Maniyyata Hajjin Bana (1438-2018)
We are All Zakzaky