'Yan Ta'addan Syria Sun Hana Dubban Fararen Hula Ficewa Daga Yankin Ghouta

'Yan Ta'addan Syria  Sun Hana Dubban Fararen Hula Ficewa Daga Yankin Ghouta

'Yan ta'addan takfiriyya da suke iko da yankin Ghouta da ke gabashin birnin Damscus na Syria, sun hana dubban farren hula da suke yin garkuwa da su ficewa daga yankin.

Dan rahoton tashar Almayadeen daga birnin Damascus na Syria ya bayar da rahoton cewa, 'yan ta'addan takfiriyya da suka kafa babbar tunga a yankin Ghouta da ke gabashin birnin sun hana dubban fararen hula ficewa daga yankin, inda suka rufe hanyar da aka bude wa fararen hula domin su fice daga yankin, tare da harbe duk wanda ya yi yunkurin ficewa.

'Yan ta'addan suna yin garkuwa da fararen hula  domin kare kansu daga farmakin dakarun Syria, kamar yadda kuma sukan kashe fararen hula da suka ki bin umarninsu.

Akwai dubban 'yan ta'adda daga suka fito daga kasashen duniya daban-daban da suka kafa babban sansaninsu a yankin na Ghouta da suke yin barana ga babban birnin Damascus na kasar Syria, tare da samun goyon baya na siyasa da dauki na makamai daga kasashen turai da na larabawa.

A jiya ne Birtaniya ta gabatar da wani daftarin kuduri kan halin da ake ciki yankin Ghouta da ke gabashin Syria a gaban kwamitin kare hakkin bil adama na majalisar dinkin duniya, inda take zargin gwamnatin Syria da kashe fararen hula a yankin Ghouta da kuma yin amfani da makamai masu guba, ba tare da gabatar da wata hujja ba.

A nasa bangaren jakadan Rasha a majalisar dinkin duniya ya bayyana wannan daftarin kudiri da cewa magana ce ta siyasa kawai, da kuma kokarin dauke hankulan al'ummomin duniya da kuma murguda hakikanin abin da 'yan ta'adda suke yi a Syria, ta hanyar yin amfani da kafofin yada labarai na kasashen da suke da hannu wajen daukar nauyin 'yan ta'addan, domin cimma wannan manufa ta siyasa


Ka aiko da Ra'ayinka

Your email address will not be published. Required fields are marked *

*

mourning-of-imam-hussain
Sakon Jagora Ga Maniyyata Hajjin Bana (1438-2018)
We are All Zakzaky