Shugaban Kasar Iran Ya Taya Mabiya Addinin Kirista Murnar Tunawa Da Ranar Haihuwar Annabi Isa {a.s}

Shugaban Kasar Iran Ya Taya Mabiya Addinin Kirista Murnar Tunawa Da Ranar Haihuwar Annabi Isa {a.s}

Shugaban kasar Iran ya taya mabiya addinin Kirista murnar tunawa da zagayowar ranar haihuwar Annabi Isa dan Maryam {a.s} da ma dukkanin mabiya addinai da suka zo daga wajen Allah Madaukaki.

A sakonsa na taya mabiya addinin kirista murnar tunawa da zagayowar ranar haihuwar Annabi Isa dan Maryam {a.s} a yayin zaman taron ministocin kasar Iran a jiya Lahadi: Shugaban kasar Dr Hasan Ruhani ya bayyana cewa; Bikin tunawa da haihuwar Annabi Isa dan Maryam {a.s} ba kawai lamari ne da ya shafi mabiya addinin Kirista ba, domin ya shafi al'ummar musulmi da ma sauran al'ummu, don haka yana taya dukkanin al'umma murnar tunawa da zagayowar wannan rana mai albarka.

Dr Ruhani ya kara da cewa: Tunawa da ranar haihuwar Annabi Isa {a.s}; tunawa ce da saukar sakon shiriya da Annabi Isa {a.s} ya zo da shi da nufin shiryar da al'umma zuwa ga kadaita Allah da yin riko da kyawawan dabi'u gami da wanzar da zaman lafiya da soyayya a kan doron kasa.

A yau Lininin ne 25 ga watan Disamba mabiya addinin kirista a duk fadin duniya suke gudanar da bukukuwan tunawa da zagayowar ranar haihuwar Annabi Isa dan Maryam {a.s}, inda suke gudanar da ziyarce-ziyarce da gabatar da kyaututtuka ga abokan zamansu na sauran mabiya addinai bayan gudanar da addu'o'i a majami'unsu.


Ka aiko da Ra'ayinka

Your email address will not be published. Required fields are marked *

*

Sakon Jagora Ga Maniyyata Hajjin Bana (1438-2017)
پیام امام خامنه ای به مسلمانان جهان به مناسبت حج 2016
We are All Zakzaky