Shugaba Ruhani: Yammacin Duniya Sun Kirkiro Kungiyoyin Takfiri Ne Don Raba Kan Musulmi

 Shugaba Ruhani: Yammacin Duniya Sun Kirkiro Kungiyoyin Takfiri Ne Don Raba Kan Musulmi

Shugaban kasar Iran Dakta Hasan Ruhani ya bayyana cewar kasashen yammaci sun kirkiro kungiyoyin ta'addanci na tafkiriyya ne wadanda ba su da wata alaka da koyarwar addinin Musulunci da nufin haifar da rarrabuwan kai tsakanin musulmi.

Shugaba Hasan Ruhani ya bayyana hakan ne a jawabin da yayi yayin wata ganawa da yayi da wasu 'yan siyasa, malaman addinin Musulunci da kuma wasu jagororin al'ummar musulmi na kasar Indiya a birnin Hyderabad a ci gaba da ziyarar aiki da yake yi a kasar Indiyan inda ya ce kasashen Yammacin sun shagaltar da musulmi da fada da junansu ta hanyar kirkiro rarrabuwan kai a  tsakaninsu.

Shugaban na Iran ya kara da cewa: Duk da irin bambanci na akida da ake da shi tsakanin musulmi Shi'a da Sunna amma shekaru aru-aru suka yi suna rayuwa tare da junansu ba tare da wani rikici ba, to amma a halin yanzu makiya sun kirkiro wasu abubuwa ciki kuwa har da kungiyoyin ta'addanci na takfiriyya da nufin rarraba kan musulmin da hada su fada da juna. Don haka yayi kiran al'ummar musulmi su yi watsi da irin wadannan kiraye-kiraye na rarraba kan musulmi da haduwa waje guda don aiki tare wanda ya ce wannan ita ce manufar Jamhuriyar Musulunci ta Iran tun daga lokacin da aka kafa ta.

A jiya ne shugaba Ruhani, bisa gayyatar firayi ministan kasar Indiya, ya fara wata ziyarar aiki ta kwanaki a kasar don kara bunkasa alakar da ke tsakanin kasashen biyu.a


Ka aiko da Ra'ayinka

Your email address will not be published. Required fields are marked *

*

mourning-of-imam-hussain
Sakon Jagora Ga Maniyyata Hajjin Bana (1438-2018)
We are All Zakzaky