Jagora: Ficewar Amurka Daga Yarjejeniyar Nukiliya Ba Abun Mamaki Bane

Jagora: Ficewar Amurka Daga Yarjejeniyar Nukiliya Ba Abun Mamaki Bane

Jagoran juyin juya halin Musulunci Ayatullah Sayyid Ali Khamenei ya bayyana cewar sanarwar ficewa daga yarjejeniyar nukiliya da shugaban Amurka yayi a daren jiya bai zo masa a matsayin wani abin mamaki ba, yana mai cewa al'ummar Iran za su ci gaba da riko da tafarkin da suke kai ba tare da tsoron wani ba.

Jagoran juyin juya halin Musuluncin ya bayyana hakan ne a jawabin da yayi a yau din yayin ganawa da yayi da wasu jami'an ma'aikatar ilimi da malamai da masana tun tunawa da ranar girmama matsayin malamai inda yayin da yake bayanin abubuwan da ya zo cikin jawabin shugaban Amurka na kararraki da barazana ga al'umma da kuma gwamnatin Iran, Jagoran ya ce: A madadin al'ummar Iran ina sanar da Mr. Trump cewa yayi kadan ya yi barazana wa al'umma Iran.

Jagoran ya ci gaba da cewa: Abin da ya faru din dai ba bakon abu ba ne, a zamanin shugabannin Amurka da suka gabata ma dai ya sha faruwa sai dai kowa da irin yadda yake karba alkawarin na sa ne, to amma al'ummar Iran za su ci gaba da tsayin dakan da suka saba da dukkan karfinsu, haka nan kamar yadda sauran shugabannin Amurkan suka gushe, shi ma wannan din haka zai gushe ya bar al'ummar Iran suna nan daram dinsu.

Daga karshe dai Jagoran ya kirayi jami'an kasar Iran da su yi taka tsantsan dangane da matsayar da shugaban na Iran ya sanar na ci gaba da mu'amala da sauran kasashen Turai da suka saura cikin yarjejeniyar yana mai cewa lalle su ma a yi taka tsantsan wajen mu'amala da su din don su din ma ba abin yarda ba ne.


Ka aiko da Ra'ayinka

Your email address will not be published. Required fields are marked *

*

Sakon Jagora Ga Maniyyata Hajjin Bana (1438-2017)
پیام امام خامنه ای به مسلمانان جهان به مناسبت حج 2016
We are All Zakzaky