Hukumar Kula Abinci Ta MDD "FAO" Ta Yi Gargadi Kan Matsalar Karancin Abinci A Duniya

Hukumar Kula Abinci Ta MDD

Hukumar Kula da Abinci da Ayyukan Noma ta Majalisar Dinkin Duniya "FAO" ta yi gargadi kan matsalar karancin abinci a duniya musamman a kasashen da ake ci gaba da fuskantar matsalolin tashe-tashen hankula.

A rahoton da Hukumar Kula da Abinci da Ayyukan Noma ta Majalisar Dinkin Duniya "FAO" ta fitar yana dauke da cewa: Kasashen duniya 26 ne suke fama da matsalar karancin abinci, inda miliyoyin mutane musamman a kasashen da suke fama da tashe-tashen hankula suke cikin halin tsaka mai wuya.

Hukumar ta FAO ta bayyana kasashen Yamen, Sudan ta Kudu, Somaliya, Siriya da Afganistan a matsayin kasashen da suka fi fuskantar barazanar masifar yunwa a duniya a halin yanzu, sakamakon tashe-tashen hankula da suke ci gaba da addabar kasashen.

Babban sakataren Hukumar Kula da Abinci da Ayyukan Noma ta Majalisar Dinkin Duniya "FAO" Jose Graziono da Silva ya sha gargadin cewa: Matsalolin yake-yake, tashe-tashen hankula da fari sune manyan matsalolin da suke kara janyo bullar masifar yunwa a duniya. 


Ka aiko da Ra'ayinka

Your email address will not be published. Required fields are marked *

*

Sakon Jagora Ga Maniyyata Hajjin Bana (1438-2018)
We are All Zakzaky