Amurka Ta Hana Kwamitin Tsaron MDD Fitar Da Bayani Kan Zaluncin H.K.Isra'ila

Amurka Ta Hana Kwamitin Tsaron MDD Fitar Da Bayani Kan Zaluncin H.K.Isra'ila

Kasar Amurka ta sake daukan matakin hana kwamitin tsaron Majalisar Dinkin Duniya fitar da bayani kan matakin wuce gona da iri da gwamnatin haramtacciyar kasar Isra'ila ta dauka kan al'ummar Palasdinu a yankin Zirin Gaza.

Jakadan Hukumar Palasdinawa a Majalisar Dinkin Duniya Riyath Mansur a cikin daren jiya Juma'a ya bayyana cewa: Dukkanin mambobin kwamitin tsaron Majalisar Dinkin Duniya 14 sun amince da fitar da bayanin yin Allah wadai da matakan zaluncin da gwamnatin haramtacciyar kasar Isra'ila take ci gaba da aiwatarwa kan al'ummar Palasdinu amma kasar Amurka kadai ta ki amincewa da yunkurin na kwamitin tsaron Majalisar.

Wannan shi ne karo na biyu a cikin 'yan kwanakin nan da kasar Amurka ta hana kwamitin tsaron Majalisar Dinkin Duniya fitar da bayani kan gwamnatin haramtacciyar kasar Isra'ila, inda a karon farko ta hana kwamitin tsaron yin Allah wadai da gwamnatin haramtacciyar kasar Isra'ila dangane da kisan gillar da ta yi wa Palasdinawa 16 tare da jikkata wasu daruruwa a yankin ZIrin Gaza a lokacin zanga-zangar ranar kasa a Palasdinu.


Ka aiko da Ra'ayinka

Your email address will not be published. Required fields are marked *

*

Quds cartoon 2018
Sakon Jagora Ga Maniyyata Hajjin Bana (1438-2017)
پیام امام خامنه ای به مسلمانان جهان به مناسبت حج 2016
We are All Zakzaky