Shugaba Rauhani Ya kai Ziyara Yankunan Da Girgizar Kasa Ta Shafa A Kermanshah

  • Lambar Labari†: 866839
  • Taska : Pars Today
Brief

A yau da hantsi ne shugaba Rauhani na Iran ya isa yankin da girgizar kasa ta shafa a cikin Lardin kermanshah da ke yammacin kasar Iran, domin duba halin da al'ummar yankin suke ciki, musaman ma wadanda abin ya shafa.

Bayan isarsa a yankin, shugabab Rauhani ya fara duba mutanen da suka samu raunuka, daga nan kuma ya duba wuraren da girgizar kasar ta yi barna.

Haka nan kuma shugaba Rauhani ya gana da jami'an da suke a wurin musamman na kiwon lafiya da kuma ma'aikatar cikin gidan, kan wajabcin ci gaba da kara bayar da himma wajen bayar da dukkanin taimakon da ya kamata ga al'ummar yankin.

Shugaba Rauhani ya bayyana cewa, gwamnatinsa za ta dauki alhakin bayar da dukkanin taimakon domin tabbatar da cewa an gyara dukkanin gidajen jama'a da suka rushe ko suka samu matsala sakamakon wannan girgizar kasa, haka nan kuma za a bayar da wani tallafin kudade na musamman ga dukkanin wadanda abin ya shafa.

Yanzu haka dai an mayar da wutar lantarki da iskar gas da kuma ruwan sha da suka yanke a wadannan yankuna. Yayin da kuma hukumomin bayar da agaji da na kiwon lafiya da jami'an soji suke ci gaba da taimaka ma mutane.288


Ka aiko da Ra'ayinka

Your email address will not be published. Required fields are marked *

*

Arba'een
mourning-of-imam-hussain
Sakon Jagora Ga Maniyyata Hajjin Bana (1438-2017)
پیام امام خامنه ای به مسلمانان جهان به مناسبت حج 2016
We are All Zakzaky