Iran Za Ta Ci Gaba Da Goyon Baya Da Karfafa Kungiyoyin Gwagwarmaya

  • Lambar Labari†: 852202
  • Taska : Pars Today
Brief

Ministan tsaron kasar Iran Birgediya Janar Amir Hatami ya bayyana cewa Iran za ta ci gaba da goyon bayan kungiyoyin gwagwarmaya duk kuwa da kokarin da kasashen yammaci suke yi wajen ganin Iran ta daina goyon bayansu musamman kungiyar Hizbullah.

Janar Amir Hatami, ministan tsaron na Iran, ya bayyana hakan ne a wata hira da yayi da tashar talabijin din Al-Alam da ke watsa shirye-shiryenta da harshen larabci daga nan Tehran inda ya ce gwagwarmaya wani lamari ne da sami gindin zama cikin ala'adun Jamhuriyar Musulunci ta Iran.

Janar Hatami ya kara da cewa gwagwarmaya tana nufin tsayin daka wajen tinkarar ma'abota girman kai da sauran azzalumai, don haka goyon bayan kungiyoyin gwagwarmaya wani lamari ne da  ke cikin koyarwar addinin Musulunci wanda shi ne tushen tsarin kasar Iran. Don haka ya ce ko shakka babu Iran za ta ci gaba da goyon bayan wadannan kungiyoyi.

Cikin shekarun nan dai Amurka da kawayenta suna ci gaba da matsin lamba wa Iran sakamakon goyon bayan da take ba wa kungiyoyin gwagwarmaya wadanda suke fada da bakar siyasar ma'abota girman kai da 'yan amshin shatansu irin kungiyoyin 'yan ta'addan takfiriyya da suka kirkiro da nufin bata sunan Musulunci..288


Ka aiko da Ra'ayinka

Your email address will not be published. Required fields are marked *

*

Arba'een
mourning-of-imam-hussain
Sakon Jagora Ga Maniyyata Hajjin Bana (1438-2017)
پیام امام خامنه ای به مسلمانان جهان به مناسبت حج 2016
We are All Zakzaky